Friday, July 24, 2009
डोटेलि गीत
एक दिन बिरुवा भयो बिरामी
मुइ खाइ भुन्यो बोलाईल्या धामि
मुइ गयो उन्ज्याई धामिका घर
धामि नाइ भिट्या आब कसो गर?
धम्यानिले भुण्यो धामि गया खेत
बाटो सिधाइ छ तुइ लै झानेत
मुइ गयो खेत धामिलाई भिट्टु
धामिले भुण्यो नाइ सक्को हिट्टु
टेकी टाकी धामिलाई पुर्याया घर
धामि उछिट्क्या मुइ लागि डर
धामिले भुण्यो मुइ गर्लो निको
अक्षता समाइ लगायो टिको
धामिले भेटी सौ रुप्प्या माग्या
रुप्प्या खल्ती हाली घर तिर लाग्या
बिरुवा दुई दिन सम्म निको नाइ भयो
तेस्रा दिन आजी मुइ धामिका घर गयो
धामि लाई लेइबरे मुइ पुग्यो घर
बिरुवाको बच्च्या नाइ लाग्यो भर
धामिले बिरुवा कि नाडि थाम्यो
एक घण्टा सम्म धामि नै काम्यो
सब्बै गौल्या बिन्ती गद्दु लाग्या
धामिले आजी सय रुप्प्या माग्या
मुइले आफ्ना खल्ती हात हाल्या
खल्ती है मुइले रुप्प्या निकाल्या
रुप्प्या धेकी बरे आइ धामि जोश
धामिले हाण्यो बिरुवा बिहोश
मुइ निको गर्लो भुनि धामि पिट्टोइ र्यो
थोडा देर मा त बिरुवा हिट्टोइ र्र्यो
बिरुवाका घर पडी रोया रो
सप्पै गौल्यानु धामि कि भै धो
भोल्का दिन रात्तै मलामि गया
सयाना मलामि कोइ नाइ भया
बिरुवालाई उस्सोइ गाड बगाया
दरुवाका पुइसाले दाल भात खाया
पेट भरि बरे होइ गयो टन
उकाला हिट्ट्या नाइ लाग्यो मन
तै दिन हम सबै गाडै नी बस्या
धामिका गद्दा बेधडक फस्या
Subscribe to:
Post Comments (Atom)
No comments:
Post a Comment