Monday, July 27, 2009
ग्वाल्लेक केदार स्वामिको महिमा(डोटेलि भाषा)
जय बुवा केदार तेरी महिमा छ अपार
जो गरन्ला सेवा तेरी उ पुगन्ला पार
जय बुवा केदार तेरी सेवा गर्ला हमु
कि भ्यो इसो कलयुगमा काँ गया ब तमु?
तमरो मन्दीर थ्यो निको मुख मुख सुनिन्छ
तमरी महिमा बारे इसो लै भुनिन्छ
तमरो महल बन्यो तीन रैण्या भुमिमा
तम जसो साक्षात देउता नाइ धेक्या जुनिमा
सब भक्तको भलो गद्दया जै बुवा केदार
कतुरकी बामुनी आया पछा भ्यो बेकार
तमरा मन्दीर झान्या बाटा जुका भौत र्यान
कतुरकी बामुनिलाई तसो नाइ भैछ ज्ञान
बामुनी फटाफट गैछ पूजा लागिगै भुणि
जुकाले काट्यो तैलाई हिट्ट्या बाटा मुणी
मन्दीरमा सब्ले धेक्यो खुट्टामा रगत
छौ क्याइ आए है तुइ भुणि भुण्यो तै बखत
मुइ छौ नाइ हु भुणि बरे बामुनी कराइछ
जुको लाई नाइ धेक्यो हड कथब हराइछ
सब्ले भुण्यो मन्दीर आइ गल्ती क्याइ गरी है
देवता छुयुना है आघा तुइ क्याइ नाइ मरी है?
जुकाले काट्यो हो मुइलाई छौ नाइ हु मुई
जय बुवा ग्वाल्लेक केदार बिचार गरे तुइ
मुइ छौ आयाकी भया तम बाबा याइ बैर्या
याँ को मन्दीर इसोइ रैरौ जुका इसाइ रैर्या
नाइ नाइ सब्ले मुइलाई झुटो आरोपु लगाइग्या
जुका हराइ मन्दीर हराइ तम बाबा गुप्तै भ्या
बामुनिका कुरा सुनी सवालाऐइ लाग्यो हाँसो
सबै घर गया पछा लायो आफुले पासो
बामुनिले मर्या पछा मन्दीर हराइ गैछ
तै पातल जुको सड्या एकै नाइ रैछ
बामुनिले मर्या पछा मन्दीर हराइ गैछ
तै पातल जुको सड्या एकै नाइ रैछ
पैला जत्ते मन्दीर थ्यो उत्ते भ्यो मैदान
मन्दीर हराया पछा मरी सबकी सान
Subscribe to:
Post Comments (Atom)
very gud bhai
ReplyDelete