गजल

राम्रो उपनाम तिम्रो लागि अब देखि घोक्दिन म
तिम्रै यादमा जाड रक्सी कहीलइ पनि धोक्दिन म

कोठा भित्र छिर्नु अघी खोक्ने गर्नु भन्थेउ तिमी
कोठा भित्र छिर्छु सिधै बाहिर बाट खोक्दिन म

तिम्रो यहाँ आउने जाने आफुलाई नै ठान्थे मैले
आउँदा रैछन थुप्रै व्यक्ती यो यो भनि तोक्दिन म

शरिर नै बेच्नु थियो भने नाङै हिंडे भै'गो नि त
लाज ढाक्ने तिम्रा लुगा अब देखि बोक्दिन म

आफ्नो चरित्रको बयान नगर्दा नि हुन्छ अब
बिश्वास दिलाउन अरुलाई भुइमा निधार ठोक्दिन म

मेरो प्यारो 'उत्तम्' भनि अङालोमा आए पनि
अरुले टोक्ने तिम्रो गाला कहीलइ पनि टोक्दिन म

दुनियाँले तिमीलाई जे गरेनी गरुन अब
कसैलाई नगर भनि अब देखि रोक्दिन म